Xa case rematamos! Chegou a reflexión final que, desta vez, pedímosvos que fagades a nivel colectivo na aula e a nivel individual na casa. Aquí van as preguntas:

• Que aprendestes a primeira semana? E a segunda e terceira semana?
• Cales foron as actividades que máis vos gustaron nestas semanas?
• Considerades que nestas tres semanas aumentou a vosa competencia oral en galego?
• Como credes que lle vai ir ao galego no futuro?
• Esta experiencia axudouvos a coller soltura á hora de desenvolvervos ante unha cámara? Gustouvos a experiencia?
• As gravacións de reflexión fóronvos útiles?
• Que anécdotas vos aconteceron durante estas semanas co modo galego activado?
• Gustouvos participar no Modo Galego, actívao!?
• Queredes que de novo volvamos a facer Modo Galego, actívao! no voso cole?
• Que outras actividades vos gustarías facer dentro do programa Modo Galego: actívao! para o próximo ano? Dádenos ideas para mellorar!
• Animariádesvos a manter activado o modo galego activado máis alá destes vinte e un días?

Gustaríanos moito que compartísedes con nós as vosas valoracións finais!

E, para rematar, hoxe fálanos unha das vosas veciñas máis ilustres que nos vai explicar un dos superpoderes do galego:

Agardámosvos aquí o luns coa nosa despedida e compartindo o traballo de todos os coles.

Aproveitamos para lembrarlle ao profesorado que suban todos os traballos que queiran compartir.